📌 Maha Shivaratri | மகாசிவராத்திரி 2026.. சென்னையில் இருந்து சிறப்பு ரயில்கள் இயக்கம்.. ரயில்வே அறிவிப்பு! | Spirituality News (ஆன்மீக செய்திகள்)

நாளை காலை 10.15 மணிக்கு சென்னை எழும்பூரில் இருந்து புறப்படும் சிறப்பு ரயில், மதியம் 3 மணிக்குத் திருவண்ணாமலை சென்றடையும். மறுமார்க்கத்தில், நாளை மறுநாள் அதிகாலை 4 மணிக்குத் திருவண்ணாமலையில் இருந்து புறப்படும் சிறப்பு ரயில், காலை 9.15 மணிக்குச் சென்னை எழும்பூர் வந்தடையும். இந்த ரயில்களுக்கான முன்பதிவு இன்று மதியம் 12 மணிக்குத் தொடங்குகிறது.

இதேபோல், சென்னை எழும்பூர் – வேலூர் கண்டோன்மெண்ட் இடையே முன்பதிவில்லா மெமு (MEMU) சிறப்பு ரயிலும் அறிவிக்கப்பட்டுள்ளது. நாளை மதியம் 12 மணிக்கு எழும்பூரில் இருந்து புறப்பட்டு, மாலை 6 மணிக்கு வேலூர் சென்றடையும். மறுநாள் அதிகாலை 3 மணிக்கு வேலூரில் இருந்து புறப்படும் ரயில், காலை 9.15 மணிக்குத் தாம்பரம் வந்தடையும்.

இதனிடையே, பிப்ரவரி 15 மற்றும் 16 ஆகிய இரு தேதிகளிலும், விழுப்புரம் மற்றும் திருவண்ணாமலை இடையே முன்பதிவில்லா சிறப்பு மெமு ரயில்கள் இயக்கப்படும் என அறிவிக்கப்பட்டுள்ளது.