⚡ Ramadan 2026 | நாளை முதல் ரமலான் நோன்பு கடைபிடிக்கலாம்.. தமிழ்நாடு அரசு தலைமை ஹாஜி அறிவிப்பு! | Spirituality News (ஆன்மீக செய்திகள்)

இந்நிலையில், இந்த ஆண்டு இந்தியாவைப் பொறுத்தவரை, இன்று (பிப்ரவரி 18 ஆம் தேதி) மாலை பிறை தென்பட்டதையடுத்து, நாளை முதல் நோன்பு கடைப்பிடிக்கலாம் என தமிழ்நாடு அரசின் தலைமை ஹாஜி உஸ்மான் முஹ்யித்தீன் பாகவி அறிவிப்பு வெளியிட்டுள்ளார். இந்த ஆண்டு ரமலான் மாதம் சுமார் 29 அல்லது 30 நாட்கள் நீடிக்கும். மார்ச் 20 அல்லது 21-ஆம் தேதி ஈகைத் திருநாள்(ரம்ஜான்) கொண்டாடப்பட வாய்ப்புள்ளது. இஸ்லாமியர்கள் அனைவரும் தங்கள் பகுதிக்குரிய துல்லியமான சஹர் மற்றும் இஃப்தார் நேரங்களை உள்ளூர் பள்ளிவாசல்கள் அல்லது கால அட்டவணைகள் மூலம் சரிபார்த்துக் கொள்ளுமாறு அறிவுறுத்தப்பட்டுள்ளனர்.

இஸ்லாமின் ஐந்து கடமைகளில் ஒன்றாக நோன்பு கருதப்படுகிறது. அதன்படி உலகம் எங்கும் வாழும் இஸ்லாமியர்கள் விடியற்காலை (ஃபஜ்ர்) முதல் சூரிய அஸ்தமனம் (மக்ரிப்) வரை நோன்பு இருந்து உணவு, தண்ணீர் மற்றும் பிற உடல் தேவைகளைத் தவிர்த்து ரமலான் நோன்பைக் கடைப்பிடிக்கின்றனர். இது சுய ஒழுக்கம், ஏழைகளின் பசியை உணர்தல் மற்றும் ஆன்மீக முன்னேற்றத்திற்கான காலமாகும்.