💡 Sabarimalai | மகர விளக்கு பூஜை.. சபரிமலை ஐயப்பன் கோயில் நடை இன்று மீண்டும் திறப்பு..! | ஆன்மிகம்

இந்நிலையில், மகரவிளக்கு பூஜையையொட்டி சபரிமலை கோவில் நடை இன்று மாலை 5 மணிக்கு மீண்டும் திறக்கப்படுகிறது.

தந்திரி கண்டரரு மகேஷ் மோகனரு முன்னிலையில், மேல்சாந்தி பிரசாத் நம்பூதிரி நடையை திறந்து வைத்து தீபாராதனை நடத்துகிறார். இரவு 11 மணிக்கு நடை சாத்தப்பட்டு, நாளை அதிகாலை 3 மணிக்கு நடை திறக்கப்பட்டு வழக்கமான பூஜைகளுடன் நெய்யபிஷேகம், உச்ச பூஜை போன்றவை நடைபெறும்.

முத்தாய்ப்பாக, வரும் ஜனவரி 14ஆம் தேதி மகர விளக்கு பூஜை நடக்கிறது. அன்றைய தினம் மாலை 6.25 மணிக்கு ஐயப்பனுக்கு திருவாபரணம் அணிவித்து, சிறப்பு தீபாராதனை நடைபெறும். தொடர்ந்து மகர ஜோதி தரிசனம் சன்னிதானத்தில் நடைபெறும்.

மண்டல விளக்கு பூஜை சீசனில் 36 லட்சத்திற்கும் மேற்பட்ட பக்தர்கள் ஐயப்பனை தரிசித்தது குறிப்பிடத்தக்கது.