💡 Sabarimalai | இன்று மாலை சபரிமலையில் மகர ஜோதி தரிசனம்.. படையெடுக்கும் பக்தர்கள்! | ஆன்மிகம்

மண்டல-மகரவிளக்கு பூஜைக்காக சபரிமலை ஐயப்பன் கோயில், நவம்பர் 16 ஆம் தேதி திறக்கப்பட்டது. 41 கால மண்டல காலத்துக்குப் பின் டிசம்பர் 27 ஆம் தேதி நடை அடைக்கப்பட்டது, பின்னர் மகர விளக்கு உற்சவத்துக்காக டிசம்பர் 30 ஆம் தேதி திறக்கப்பட்டது.

இந்நிலையில், மகரசங்கராந்தி தினமான இன்று மகரவிளக்கு பூஜையும், அதைத் தொடர்ந்து மகரஜோதி தரிசனமும் நடைபெற உள்ளது. பகல் 2.45 மணிக்கு கோயில் திறக்கப்பட்டு, 3 மணி அளவில் மகர சங்கராந்தி பூஜைகள் நடைபெறுகின்றன. பந்தள அரண்மனையில் இருந்து கொண்டு வரப்படும் திருவாபரணப் பெட்டி மாலை 6 மணியளவில் சந்நிதானத்தை அடைகிறது. தொடர்ந்து திருவாரபணங்கள் சாமி ஐயப்பனுக்கு அணிவிக்கப்பட்டு தீபாரதனை நடைபெறும்.

அதன்பின்னர், சில விநாடிகளில் பொன்னம்பல மேட்டில், சுவாமி ஐயப்பன் ஜோதி வடிவில் பக்தர்களுக்கு காட்சி அளிக்கிறார்.

மகர ஜோதியை காண 30,000 பேருக்கு மட்டுமே அனுமதி அளிக்கப்பட்டுள்ளது. பக்தர்கள் குறிப்பிட்ட இடங்களில் இருந்து மட்டுமே மகர ஜோதியை தரிசிக்க வேண்டும் எனவும், காட்டுப் பகுதிக்குள் செல்லக் கூடாது என்றும் கட்டுப்பாடுகள் விதிக்கப்பட்டுள்ளன.