✅ Tirupati | திருப்பதி ஏழுமலையான் கோயிலில் திருமண போட்டோ ஷூட்.. மன்னிப்பு கேட்டு தம்பதி வீடியோ வெளியீடு! | Spirituality News (ஆன்மீக செய்திகள்)

திருவண்ணாமலையை சேர்ந்த திருமால் மற்றும் காயத்ரி ஆகியோருக்கு திருப்பதி திருமலையில் உள்ள மண்டபத்தில் திருமணம் நடைபெற்றது. அதற்கு முன்னதாக புதுமண ஜோடி ஏழுமலையான் கோயில் முன் உள்ள காலி இடத்தில் போட்டோ சூட் நடத்தியுள்ளனர். அப்போது திருமால் தனது வருங்கால மனைவிக்கு நெற்றியில் முத்தமிடுவது போன்று போட்டோ ஷூட் நடத்தியுள்ளனர். விதிகளையும், தடையையும் மீறிய இச்செயல் சக பக்தர்களை முகம் சுளிக்க வைத்தது.

இந்த நிலையில் அந்த புதுமண தம்பதி நடைபெற்ற தவறுக்கு மன்னிப்பு கேட்டு வீடியோ வெளியிட்டுள்ளனர். ஏழுமலையான் கோயில் பகுதி முழுவதும் ஆயிரத்து 600 அதிநவீன சிசிடிவி கேமராக்கள் பொருத்தப்பட்டு கண்காணிக்கப்பட்டு வரும் நிலையில், நிபந்தனைகளை மீறி புதுமணத் தம்பதி போட்டோஷுட் நடத்தியதை முன்கூட்டியே கண்டறிந்து தடுக்க முடியாமல் போனது ஏன் என்று கேள்வியெழுந்துள்ளது.