✅ Tirupati | பீகாரில் வரும் திருப்பதி ஏழுமலையான் கோயில்.. 10 ஏக்கர் நிலம் ஒதுக்கீடு.. பக்தர்கள் பரவசம்! | ஆன்மிகம்

இது தொடர்பாக திருமலை திருப்பதி தேஸ்தானம் அறங்காவலர் குழுத் தலைவர் பிஆர் நாயுடு வெளியிட்டுள்ள செய்திக் குறிப்பில், பாட்னாவில் உள்ள மொகமா ஹாஸ், (Mokama Khas) பகுதியில் ஏழுமலையான் கோயில் கட்ட அம்மாநில அரசு நிலம் ஒதுக்கி உள்ளதாக கூறியுள்ளார்.

ஆண்டுக்கு 1 ரூபாய் குத்தகை வாடகை என்ற அடிப்படையில் மொத்தம் 99 ஏக்கர் நிலத்தை வழங்க மாநில அரசு முடிவு செய்து உள்ளதாக அவர் குறிப்பிட்டுள்ளார். விரைவில் பிகார் மாநில சுற்றுலா வளர்ச்சிக் கழக இயக்குநருடன் ஆலோசனைகள் நடத்தி, பாட்னாவில் கோயில் கட்டுமானத்திற்கு தேவையான அனைத்து நடவடிக்கைகளும் மேற்கொள்ளப்படும் என பிஆர் நாயுடு தெரிவித்துள்ளார்.

ஏற்கனவே சென்னை, கன்னியாகுமரி, ஐதராபாத், பெங்களூரு, மும்பை, டெல்லி, ஒடிசா தலைநகர் புவனேஷ்வர், ஜம்மு ஆகிய இடங்களில் ஏழுமலையான் கோயில் உள்ள நிலையில், தற்போது பிகார் தலைநகர் பாட்னாவிலும் விரைவில் ஏழுமலையான் கோயில் கட்டப்பட உள்ளதாக பிஆர் நாயுடு தெரிவித்துள்ளார்.